فيه ناس لما تمسك فى حاجةتمسك فيها بكل طاقتهاكأنها طوق نجاة

أكلة يحبها؟
ياكلها كل يوم لحد ما يفقد شهيته منها.

بطولة كروية؟
يتفرج على كل ماتش يحفظ التفاصيل، يعيش الحدث دقيقة بدقيقة وبعدين يسيبها

شغل؟
ما يعرفش ينام غير لما يخلصه
كأن النوم رفاهية مؤجلة

قصص، حكايات، علاقات، دايتات، أفكار…
كل مرة حاجة جديدة،
يغوص فيها للآخر يعصرها يفهمها يستهلكها
ثم ينتقل لغيرها

ده مش لعب
ولا تشتت
ولا زيادة عن اللزوم

ده انشغال وسواسي
وظيفته يهدّي القلق
يقلل الضغط
ويهرب صاحبه — ولو مؤقتا — من وجع أعمق وأكبر.

عشان كده
ما تحاولش تنتقد انشغاله
ولا تستهين بيه
ولا تقول له كبر دماغك

لأنك كده
بتشيل من إيده مسكن قوي
وبتضرب ثقته في نفسه
من غير ما تقصد

أحيانا
اللي باين إنه هوس
بيكون في الحقيقة
محاولة للبقاء