شيف: ياسمين احمد

هنسلق ٤٠٠جرام مكرونة اي نوع
بصلة مفرومة
صدر فرخة مقطع شرايح رفيعة وممكن نستخدم بدل الفراخ سجق او بسطرمة
٣فص ثوم مفروم
٣عدد طماطم مكعبات
فلفل رومي والوان
معلقة صلصة طماطم
جبنة موزريلا
ملح وفلفل اسود و٧بهارات وبابريكا مدخنة

الطريقة
هننزل الاول بمعلقة سمنة بلدي والفراخ علي نار عالية اول ما تلون ننزل بالبصل يدبل ننزل بالثوم
ريحته تظهر ننزل بالصلصة نشوحها قليلا ثم الطماطم والفلفل والزيتون والبهارات
نتركهم يتعرفو علي بعض شوية
ننزل بالمكرونة وشوية جبنة موزريلا ونقلب
ونغرفها فطواجن فخار. وعالوش كمان جبنة موزريلا
ندخلها فرن ساخن حرارة ١٨٠ لمدة ٢٠دقيقة
اول ما تخرج نغطيها عشان الجبنة تسيح طعمها رهييييييب لازم تجربوها
وبالف هنا🥰.