مطبخ ياسمين : طريقة عمل الكشري المصري

شيف : ياسمين أحمد

المكونات:

كباية رز

كباية عدس بجبة

كباية مكرونة

2 معلقة كبيرة زيت نباتي

3 فصوص توم مفروم

معلقة صغيرة بهارات (كمون، كركم، فلفل أسود)

ملح حسب الرغبة

2 كباية مية

صلصة طماطم

4 معالق كبيرة خل أبيض

بصل متقطع شرايح

دقيق لتحمير البصل

(اختياري) حمص مسلوق للتقديم

الطريقة:

في حلة على النار، اغلي شوية مية وسلقي المكرونة لحد ما تستوي وصفيها.
في حلة تانية، اسلقي العدس بجبة لحد ما يبقى طري.
في حلة تالتة، اغسلي الرز كويس، وحمّري شوية شعريّة في زيت، وبعدين ضيفي الرز وشوّحيه معاهم شوية، وبعد كده ضيفي المية والملح وسيبيه لحد ما يستوي.
في طاسة، حطّي الزيت وسخّنيه، ضيفي التوم وقلّبيه لحد لونه ما يصفر.
نزّلي عليه صلصة الطماطم، ومعاها الخل والبهارات والملح، وسيبيها تغلي وتتكثّف شوية لحد ما تبقى صوص تقيل وطعمه حلو.
في طبق التقديم، حطّي طبقة رز، وفوقها طبقة مكرونة، وبعدين العدس، وبعد كده صبي الصلصة،بعدين الدقةعليهم، وبعدين البصل الكرسبي

🧄 طريقة عمل الدقة (صلصة الشطة)

المكونات:

4 فصوص توم مفروم

1/4 كباية خل أبيض

1/2 كباية مية

عصير نص ليمونة

1/2 معلقة صغيرة كمون

1/2 معلقة صغيرة شطة (أو على حسب ما بتحبي السبايسي)

رشة ملح

رشة كزبرة ناشفة (اختياري)

الطريقة:

في طاسة صغيرة، شوّحي التوم في نقطة زيت بسيطة جدًا (ممكن كمان من غير زيت لو بتحبيها أخف).
أول ما التوم يصفر بسيط، ضيفي عليه المية والخل والكمون والشطة والملح والكزبرة.
سيبيهم يغلوا غلوة واحدة بس، وبعدين شيليهم من على النار.
بعد ما تهدى شوية، ضيفي عصير الليمون وقدّميها جنب الكشري.

✅ ممكن تعملي الدقة دي وتسيبيها في برطمان في التلاجة يومين تلاتة، بتفضل حلوة.

ملاحظات:

تقدري تزودي أو تقللي الكميات حسب عدد الأفراد.

لو بتحبي الطعم سبايسي، ممكن تضيفي شطة في الصلصة أو تعملي دقة شطة على جنب.

الكشري من الأكلات اللي دايمًا بتجمع الناس، ومش مكلف وسهل يتعمل، وطعمه تحفة ..