شيف : ياسمين احمد

نص كيلو فول اغسليه كويس جدا وانقعيه فى ميه ساخنة مع نص معلقة صغيرة كربوناتو لمدة ٦ ساعات علشان نتخلص من مادة حامض “الفايتيك” لانها بتعوق امتصاص الحديد بعد كده اغسليه من مية النقع علشان نتخلص من الكاربوناتو

حطيه فى دماسه أو حله وحطى عليه ميه ثلاث أضعاف الفول وحطى نص ليمونة بقشرها علشان مش يسود
حطى الحلة على الناااار تغلى لمدة ربع ساعة بعد كده وطى الناااار على أقل درجة

هياخد حوالى ٣ ساعات لو أحتاج ميه ضيفى ميه ساخنة
وفى أخر ساعة من التسوية حطى كوب فول مدشوش يكون مغسول ومنقوع ساعتين يعنى من وقت ما حطيتى الفول على الناااار أنقعى الفول المدشوش دوبى معلقة صغيرة كركم فى نص كوب ميه وحطيها على الفول وقلبيه وسبيه يكمل سواه

الفول المدشوش هيخلى مية الفول ليها قوام وهياخد نفس طعم ولون الفول لانه اقرب للفول من اى اضافات تانيه
وقت تسوية الفول بيبقى على حسب نوع الفول ممكن ياخد ٣ ساعات وممكن اقل او اكتر

بعد ما يستوى اقفلى عليه وسبيه يبرد وانتى قافلة عليه الغطا علشان مش يسود بعد ما يبرد خالص حطيه فى أكياس ثلاجة واحفظيه فى الفريزر وطلعى كيس لما تحتاجى
وبألف هنا 🥰