بقلم: د شوقي سعيد

كان يوم مش عادى لحظة اتقال إنها تاريخية فعلا لما الرئيس عبدالفتاح السيسى وقف فى قمة شرم الشيخ قدام القادة العرب والغربيين والرئيس الأمريكى دونالد ترامب وأعلن توقيع اتفاق غزة وقال إنها لحظة تاريخية فارقة الكلمة كانت مليانة معانى وأمل فى مستقبل جديد لأن اللي حصل مش مجرد اتفاق ده خطوة كبيرة فى طريق السلام اللى مصر دايما بتحاول توصله القمة دى بتأكد إن مصر لسه هى القلب النابض فى المنطقة واللى من غيرها مفيش استقرار ولا حلول حقيقية إختيار شرم الشيخ مكان التوقيع له معنى خاص المدينة دى شاهدة على مؤتمرات واتفاقيات كتير وكل مرة كانت بتثبت إن مصر بتبني جسور للسلام مش جدران للخلاف التحدى الكبير دلوقتى هو التنفيذ لأن الكلام سهل لكن الفعل هو اللى بيصنع التاريخ والسيسى كان واضح إن النجاح مش هييجى إلا لو الكل التزم وساعد الشعب الفلسطينى يعيش بكرامة وسلام مصر النهارده أثبتت إنها مش مجرد دولة بتتفرج لكن لاعب أساسى بيكتب فصول جديدة من التاريخ العربى والعالم كله شاف إن صوتها لما بيتكلم بيوصل وإنها دايمًا بتختار طريق السلام حتى وسط العواصف وتحيا مصر وقائدها وجيشها الدكتور شوقي سعيد – رئيس مجلس أمناء المعهد العالي للعلوم التجارية بالمحلة.