شيف: ياسمين احمد

المكونات:

٢ صدور دجاج مخلية ومقطعة شرائح

كوب زبادي أو لبن رايب

٢ ملعقة كبيرة عصير ليمون

٢ ملعقة كبيرة خل أبيض

٣ فصوص ثوم مفروم

١ ملعقة صغيرة بابريكا

١/٢ ملعقة صغيرة كركم

ملح وفلفل أسود حسب الرغبة

بيضتان

كوب دقيق

كوب بقسماط (يفضل خشن)

رشة كركم + رشة فلفل أسود على البقسماط (اختياري)

زيت غزير للقلي

👩‍🍳 طريقة التحضير:

نغسل شرائح الفراخ كويس
وننقعها في الخل والليمون لمدة 10 دقايق
ونصفيها بعدين

نحط الزبادي، والثوم، والبابريكا، والملح، والفلفل، والكركم
ونقلبهم مع بعض في طبق عميق

ننزل بشرائح الفراخ في التتبيلة
ونغطيها
وندخلها التلاجة ساعة على الأقل (ولو باتت تبقى طعمها روعة)

نطلع الفراخ من التتبيلة
نغمسها في الدقيق
وبعدين في البيض
وبعدين نغلفها بالبقسماط

نضغط عليها خفيف بالبقسماط علشان تتماسك كويس

نسخن الزيت على نار متوسطة
ونقلي الفراخ لحد ما تاخد لون دهبي مقرمش

نطلعها على مناديل مطبخ تمتص الزيت

ونقدّمها سخنة مع بطاطس محمرة أو رز أبيض وسلطة

وبالهنا والشفا 😍