شيف : ياسمين احمد

-عشان نوفر في الغاز اي بقول عدس او لوبيا او حمص نغليهم غلوة ونقفل الغطا والنار وبعد ساعه نفتح عليهم تاني غلوة كدا وهتلاقبهم استووا خالص
-الجبنه القريش ومعاها حبه لبن وربع كوب زيت وتوابل ونضربها في الخلاط عشان تبقي جبنه كريمي وطعمها جميل

-اي جبن عايزه تحفظيها وتقعد معاكي نغلي حبه مايه ولما يبرد تدوب فيهم معلقتين لبن بودره ونضع فيهم الجبنه وعلي الثلاجة

-الكوارع هي اللحوم الوحيده التي توضع والماء بارد
-اللحمه والكوارع يغلو غلوتين ونقفل عليهم كام ساعه كدا بدون ملح وبعد كدا نولع عليهم شويه وهتلاقيهم استووا خالص

-البشاميل نص لبن ونكمل بشوربه بيكون اخف واطعم

-الكاتشب يتعمل في البيت سهل جدا ،، اضربي 3طماطم وحطيها علي النار ومعلقتين سكر ومعلقه خل وذره ملح

-الكيك اعمليه بالزيت احلي وبيبقي هش حطي معلقه زبده واحده بس ومعلقه خل

-في اكلات بتحتاج اقل من نص كيلو لحم مفروم اي زياده حطيها في كيس وعلي الفريزر ينفعوا نجمعهم و نعمل بيهم بيتزا او نجمعهم ونعمل طبخه

  • لو فاض عندك رز علي الفريزر ولما تطلعيه يفك وفي حله ومعلقه زبده ومعلقة ميا وتوطي عليه هيبقي جميل ومش بيبان انه مفرز او معجن لا خالص

-الفول اعمليه في البيت هيبقي احلي طعم واوفر كتير
وانضف

-الخضار يتخزن في الموسم بتاعه بارخص سعر الطماطم البصل والباميه القلقاس الفاصوليا ورق الغنب الكرنب البسله كدا هيبقي بيتك مليان اعملي
حصاله للتخزين مش هتحسي باي مشكله وقت ماتيجي تخزني

-مش لازم المحشي يتسقي بشوربه فراخ او لحمه ممكن بشوربه بصل
شوربه البصل ،،حطي شويه ميه علي نار ومعاها بصلتين وملح وفلفل وحبهان ورق لوري ومعلقه زبده
🥰🥰