شيف: ياسمين احمد

جربى تعملى البتنجان بالطريقة دى مش هيشرب زيت نهائى وتحدى وهنعمله خلطة تحفه👌

البتنجان

هاتى بتنجان رومى وأختارى البتنجانة الخفيفة مبيبقاش فيها بذر وبتكون حلوة مش مرررة
قشرى البدنجان وخلى فيه جزء من القشر
قطعيه شرائح سمك سم حطيه فى طبق واغمريه بالماء ضيفى معلقة ملح ومعلقة سكر وسبيه نص ساعة الملح والسكر هيطرد الماء الزائد اللى فى البتنجان ومش هيشرب زيت نهائى
طلعيه من الميه ونشفيه بفوطة واقليه
وبكده هيكون خفيف ممكن تعمليه مسقعه أو بتنجان بالخلطة
ملعقة ثوم مفروم
فلفل مفروم
بصل اخضر مقطع
طماطم مقطعة مكعبات
نص كوب خل
ربع عصير ليمون
بقدونس مفروم
كزبرة ناشفة
كمون
ملح
اخلطى كل التتبيلة ورشيها على البتنجان وتقدميه مع أى أكل حاجة كده تفتح النفس مش هتبطلوا تعملوه من جماله.