ADMIN
شيف: ياسمين احمد
المقادير:
• نصف كيلو لحمة مكعبات صغيرة
• 2 بصلة كبيرة متقطعة مكعبات
• 1 فلفل رومي أخضر متقطع مكعبات
• 1 فلفل رومي أحمر متقطع مكعبات
• 2 معلقة كبيرة سمنة
• 2 فص توم مفروم
• معلقة صغيرة ملح
• معلقة صغيرة فلفل أسود
• نصف معلقة صغيرة بهارات لحمة
• نصف معلقة صغيرة بابريكا
• نصف كوب مياه مغلية
الطريقة:
في طاسة على نار عالية، نحط السمنة ونضيف اللحمة، ونشوحها لحد ما تاخد لون بني من كل الجوانب. نضيف البصل ونقلبه مع اللحمة لحد ما يذبل. بعد كده، نضيف التوم ونقلبه ثواني، ثم نحط الفلفل الرومي الأخضر والأحمر.
نضيف البهارات والفلفل الأسود، ونقلب كويس، وبعدها نصب المياه المغلية ونوطي النار ونغطي الطاسة، ونسيبها لحد ما اللحمة تستوي والصوص يتقل.
وبالف هنا🥰
