شيف : ياسمين احمد

رُبع كيلو فول مدشوش
بصله متوسطه
٤ فص ثوم
حزمه كبيره مليانه مشكله من الشبت والبقدونس والكزبره
فلفل حار
٢ فلفلايه رومي
ملح وكمون
فلفل اسود
كزبره ناشفه
تقليه البصل 👇👇
بصله مقطعه شرايح رفيعه وصغيره
٢معلقه سمنه
٢معلقه زيت
معلقه ثوم مفروم
الطريقه👇👇
ناخد الفول المدشوش ونغسله لحد ماتكون الميه رايقه
ننقعه ف مياه علي الاقل ساعه
نصفيه وفي حله نحط الفول ونضيف عليه بصله متوسطه مقطعه ٤ اجزاء
و ٤ ل ٥ فصوص ثوم
فلفل اخضر حار ورومي
وننزل بالخضره
ونضيف ميه ساخنه تغطيها ونرفعها ع النار تغلي وتستوي لحد ماتتهري حبات الفول تماما
ولو شربت الميه وهي بتستوي ضيفوا شويه بس ماتزودوش اوي عشان تكون مش خفيفه
نطفي عليها ونسيبها تبرد شويه ونخلطها ناعم جدا ف الخلاط او الهاند بلندر حتي تتجانس كل المكونات
بعد ماتكون ناعمه جدا نرجعها ف حله ونرفعها ع النار ونقلبها ولو لقيناها محتاجه شويه ميه صغيرين نضيفليها عشان ماتكونش تقيله اوي ولا خفيفه
اول ماتغلي ضيفوا التوابل المكتوبه فوق 👆
واطفوا
ونعمل بقا الطشه
في طاسه فيها سمنه او سمنه ع زيت وننزل بالبصل الشرايح ونشوحه لحد ماياخد لون دهبي وناخد منه شويه عشان نوزعه علي وش البصاره
ونضيف عليها باقي البصل ومعلقه صغيره ثوم مفروم ونقلبهم يادوب الثوم يتشوح وريحته تطلع ننزل بيهم علي وش البصاره
وقدموها وعلي وشها البصل المقرمش

وبالف هنا🥰.