شيف: ياسمين احمد

صدور الفراخ مش بس للبانيه جربي الوصفة دي سهلة وسريعة وطعمها تحفة جدًا!
🔸 التتبيلة:
علبة زبادي
معلقتين كبار صلصة
عصير ليمون
معلقة كبيرة عسل أبيض
معلقتين كبار خل
🔸 البهارات:
فلفل أسمر
بابريكا
توم بودر
بصل بودر
بهارات فراخ
ملح

أقلب التتبيلة كويس جدًا، وأحطها على صدر فرخة مقطعاه قطع تخينة شوية.
أقلب الفراخ والتتبيلة كويس جدًا، وهدخل الفراخ التلاجة مش أقل من أربع ساعات علشان تشرب من التتبيلة.
أسخن جريل وأحط عليه قطعة زبدة، ولما الزبدة تسيح أحط الفراخ.
الفراخ تتشمع وتاخد لون حلو، أقلبها على الجنب التاني. في الأول النار بتبقى عالية وبعدين بهدي النار.
شكلها وطعمها تحفة جدًا
وبالف هنا🥰 .