شيف : ياسمين احمد

بصي بقه ياست الكل هقولك على نصيحه هتفيدك جدا ومش هتقدرى تستغنى عنها ابدا بعد كده.
الخل فى مطبخك كنز اهم حاجه بتستخدميه فى كل شئ للتطهير لإزالة الدهون للمعان الإوانى والاطباق والكوبايات.
اهم حاجه هتجيبي ربع كوباية خل وتحطيها مع سائل الصابون وانت بتغسلى المواعين هتلاقي الدهون بتتشال بسهوله و المواعين بتلمع وبتزيل بقايا الصابون من مواعينك.
خلصتى مواعين اليوم خلاص حطى شويه خل على سفنجة المواعين عمرها مايكون فيها بكتريا بتعقمها وتعيش معاكى اكتر اعملى نفس الحركة فى الفوطه اللى بتمسحى بيها الحوض والمطبخ دائما هتلاقيها معقمه ونضيفه.
البوتجاز بقه بعد كل طبخه لازم تغسلى البوتجاز وتحطى عليه شوية خل وانت بتغسليه هتلاقيه دائما بيلمع وعمره مايكون فيه دهون خلى دائما فى ايدك فوطه وانت فى المطبخ فيها خل امسحى بيها كل حاجه حواليكى حيطان دولاب خلاط اى شئ موجود فى مطبخك هتلاقي حاجتك نضيفه دائما وبتلمع ومتعقمه وتمنع وجود أى حشرات فى مطبخك .
امسحى بقه الارضيه بالميا والخل وشوفى النضافه واللمعان وتحسى أن كل حاجه حواليكى نضيفه.
جربي الطريقه دى ومش هتندمى .