شيف : ياسمين احمد


الفريك لازم يتنقى الاول و يتغسل كتير جدا لحد ما نتخلص من الاتربة و الشوائب الموجودة فيه و لون ماء الغسيل يكون رايق – لو بنستخدم فريك الشركات بتستغنى عن الخطوة دي –
ينقع الفريك في الماء حوالي ساعتين ثم يصفى و يستخدم
لكل كوب فريك ، كوب الا ربع شوربة ساخنة او ماء ساخن

المقادير :

كوبين من الفريك المغسول و المصفى بعد النقع
كوب و نصف شوربة ساخنة
بصلة كبيرة مبشورة
٣ فصوص ثوم مبشورين
رشة سكر بسيطة
معلقة كبيرة سمن + نصف معلقة كبيرة زيت
التوابل :
ملح ، فلفل

الطريقة :

١- في وعاء على النار نضيف السمن و الزيت و لما يسخنوا نضيف البصل و الثوم و نقلب لحد ما ريحتهم تبتدي تظهر
٢- نضيف الفريك و نقلب كويس حوالي ٥ دقايق على حرارة متوسطة لحد ما الفريك نحس انه نشف شوية في التقليب
٣- نضيف و نقلب ثم نضيف الشوربة الساخنة و التوابل و رشة السكر و اول ما الشوربة تغلي نهدأ الحرارة تماما و نغطي الفريك و نسيبه بيكمل سوا تقريبا ثلث ساعة….
وبالف هنا🥰