شيف: ياسمين احمد

الطريقه‼ دي ممتازه اوي جربتوا قبل كده تعملوا الليمون ويتاكل في نفس اليوم والافضل لو تتركوه لتاني يوم وكمان هنسلقه بدون ماء
المكونات🍋
لكل كيلو ليمون
٤ملاعق ملح كبار
فلفل احمر حامي او بارد علي حسب الرغبه
الطريقه
نغسل الليمون ثم نشق كل ليمونه ارباع من غير مانوصل للاخر
ثم نطحن الفلفل مع الملح في كبه الخلاط وننعمه ،
نضع الليمون مع الخلطه ال هي الفلفل والملح بعد مانعمناهم ونقلب مع بعض ثم نرفعهم علي نار هاديه جدا جدا ، ونغطيهم ومن وقت للتاني نقلب هنلاقي بعد شويه الليمون نزل مايته هنقلب ونغطي عليه تاني عشان يكمل سوا لما يستوي بعد حوالي تلت لنصف ساعه نطفي النار ونتركه يبرد تماما
نسيبه حوالي اربع ساعات زي ماهو لحد مايبرد وبعدين نحطه في برطمان او علبه معقمه ونظيفه وجافه ونغطيه بالزيت عالوجه ونتركه لمده يوم عالمطبخ وتاني يوم ندخله الثلاجه ونسحب منه بملعقه نظيفه
طالع زبده ولا نقعناه ولا سلقناه في ميه والطعم حكايه 👌👌
ملحوظه وهو بيتسلق نهدي النار جدا عليه عشان ينزل الميه بتاعته ومتنشفوش الميه منه وهو بيستوي ولما نحطه في البرطمان بالميه بتاعته نغطي عليه بالزيت كويس
وبالف هنا 🥰