ADMIN
كتب : احمد المياح
خرج ابراهيم سعيد في بث مباشر على الصفحة الرسمية بوسائل التواصل الاجتماعي باكيا وقال .
انا في ابتلاء .. بس سؤال لـ دار الافتاء ازاي اتعامل مع بناتي اللي حبسوني ؟ بناتي جوليا و لي لي عندهم 20 سنة و 21 سنة سجنوني.. اللي من دمي حبسوني ! ده انا الي مطلعلهم البطاقة ! شهدو ضدي في المحكمة
بناتي عقوبتهم ايه يا دار الافتاء ؟ انا عمري ما أذيتهم وشافو مني كل الحب
انا مش عارف ادعي عليهم مفيش حد بيدعي علي عياله ربنا يهديهم ويسامحهم ! انا سايبلهم فيلا وعربية واحسن لبس واحلي برندات وأحلي مدارس .. اي حاجة بيطلبوها كنت بعملها لانهم ولاد ابراهيم سعيد وفي الاخر دفنوني 4 شهور بتحريض من والدتهم !
انا مقهور وربنا ما يكتبها علي حد بناتي شهدو في المحكمة شهادة زور ضدي ! و جابو ناس تشهد زور ضدي بإني عندي 7 فيلات ومرتبي 2 مليون جنيه في الشهر ! انا لو معايا الفلوس دي كلها هسجن نفسي ليه ؟
الظلم وحش وربنا كبير والله كنت واثق في ربنا والحمدلله خرجت وربنا نصرني بس انا عاوز حقي يا مصر من الي شهدو زور ضدي.,
