بقلم: ياسر عبد الله

هتحس إنك فعلا محتاج تنعزل ….مش حبا في العزلة على قد ما هي فترة محاسبة شديدة لتقصيرك في حق نفسك ….فترة تعالج فيها التشتت …إحساسك بالتوهان هتحس إنك محتاج نفسك دي جدا … محتاج تسمعك وتفهمك وتطبطب عليك …. هيجي عليك وقت هتكون رافض تماما الدخول في أي جدال مع حد أو محاولة إقناع حد بفكرة هو قافل عقله أساسا إنه يستوعبها …. هتكره الزحمة …أقصد الزحمة الكدابه.. الناس إللي وجودهم في حياتك زي عدمه .. هيجي عليك وقت وتقبل أبسط الحلول مش أهمهم … إنت مش زعلان من حد ولا واخد موقف من حد …..إنت زعلان من نفسك اوي.. مابقاش في حسبتك إنك تناضل وتعافر…كل إللي يهمك إنك تتجاوز ….تتجاوز وبس … وبعدها هتحاول تسترد نفسك إللي بدأت تضيع وسط المتاهات الكبيرة.. هيجي عليك وقت تحتاج فيه “نفسك” أكتر من أي حد