متابعة: احمد المياح

د / منال محمد الغراز تناشد”اللواء محب حبشي” محافظ بورسعيد من الكلاب الضالة في الشوارع

نداء إلى السيد محافظ بورسعيد اللواء الأب المسئول ” محب حبشي ” محافظ بورسعيد

ابن أختي الدكتور ” مروان العزبي ” طبيب شاب نازل الصبح رايح شغله في مستشفى الأميري بيخدم الناس وبيشتغل في طوارئ الاستقبال .. وأثناء مروره في شارع صلاح سالم، اتعرض لحادث مأساوي ..

كلب ضال كان نايم صحى فجأة وهجم عليه وعضه!

الدكتور ” مروان ” اتجه فورا للمستشفى واتخذ كل الإجراءات الوقائية .. لكن السؤال هنا…

هل نستنى لما تحصل كارثة أكبر؟ هل لازم حد يموت من عضة كلب ضال؟

أنا بتكلم دلوقتي مش كـ خالة الدكتور ” مروان”

أنا بتكلم كـ مواطنة مصرية بتسأل:

لو يا سيادة المحافظ .. مروان ده ابنك… كنت هتسكت؟ كنت هتتحرك فورًا؟

بناشد سيادتك بسرعة التحرك لحماية الناس من الكلاب الضالة اللي بقت خطر حقيقي على أهلنا في الشوارع ..

إحنا واثقين إنك مش هتقبل أبداً إن بورسعيد تبقى مكان غير آمن لولادها .✍️ في انتظار قرار واضح… وإجراء عاجل… ورد فعل يطمننا.